ILI KUEPUKA USALITI WA NDOA, FANYA YA FUATAYO WEWE MWANAMKE, PAMOJA NA KUMTII MMEO.

 

Mungu ameagiza enyi wake watiini waume zenu ili nao waoneshe upendo kwenu. ndugu zangu wanawake na kinamama napenda kusema kwamba wanaume mkiwaonesha utii huwa hawana akili katika mapenzi hujiona wao wamefika na kujikuta wanaonesha upendo wa ajabu sana, na hii hulinda ndoa yako na kuifanya iwe imara, tatizo kuna baadhi ya wananwake si watiifu kwa waume zao na kujikuta wakilaumu kila mara kusalitiwa kumbe chanzo ni wao wenyewe.

SALA YA MKE KUMWOMBEA MUMEWE

Nimeona si vibaya tukumbushane kuheshimu ndoa zetu kwa kumshirikisha Mungu.


Ee Bwana , ni ajabu,
Jinsi fikra zangu zinavyomrudia kila mara
Huyu, mume wangu,
Mwenzi anayeshiriki maisha yangu kwa namna ya pekee.
Ninapofagia nyumba na mazingira yake,
Nataka kutengeneza nyumba nzuri kwa ajili yake.
Ninapopika chakula vizuri,Napenda kumfurahisha.
Ninaponunua nguo mpya na kujaribu kuonekana mrembo,
Ni kwa ajili yake tena, Ee Bwana.

Na ninaweza kukuambia kwamba
Ninamwonea fahari,
Anafanya kazi kwa bidii ili kupata riziki yetu;
Ni mtu mwenye haki, mwadilifu,
Naye hujitahidi kutufurahisha.
Kwangu, yeye ni mpole na mwangalifu.
Hunijali na kuonyesha kweli kwamba anajali.
Hunifanya mimi nijiamini mwenyewe,
Anajua jinsi ya kuondoa hofu zangu,
Hunipatia usalama na upendo ambao nahitaji sana.

Ee Bwana, ninakuomba,
Umbariki na umlinde.
Katika safari zake, umfikishe salama.
Kazini mwake, umpe fanaka
Na hapa, nyumbani petu naomba apate amani na heri.

Bwana, unisaidie mimi pia
Niweze kuwa yule mke anayehitaji.
Unifanye niwe mtu anayeweza kumwamini daima,
Mwanamke ambaye anaweza kumfurahia,
Niweze kumsaidia asahau matatizo yake,
Niweze kuondolea mbali hofu zake na kupunguza uchungu wake.


Bwana, Wewe ndiwe uliyenipa mume huyu,
Na katika yeye,Umenipatia sehemu ya nafsi yako mwenyewe.
Ninakusifu kwa ajili yake, Ee Bwana. AMENI.

Napenda kuwatakieni wote siku Njema na maisha mapya ya ndoa yenu mwaka 2014 .       Mwl.Deo Kisandu