MBUNGE AUAWA,,,,,,,,,,,pata habari kamili.

Tuesday, February 11 2014, 9 : 49

MBUNGE wa Jamhuri ya Afrika ya Kati, Jean-Emmanuel Ndjaroua, ambaye alikuwa mstari wa mbele kupinga mauaji ya Waislamu nchini humo, ameuawa kwa kupigwa risasi katika mji mkuu wa nchi hiyo, Bangui. 

Bw. Ndjaroua aliuawa na watu waliokuwa wakijihami kwa bunduki waliokuwa wakitumia pikipiki, siku moja tu baada ya kutoa hotuba kulaani mauaji yanayoendelea nchini humo. 

Msemaji wa shirika la kutetea haki za binadamu la Human Rights Watch, Peter Bouckaert, ameonya kuwa hali nchini humo inaendelea kuwa mbaya kila kukicha. 

Kwa mujibu wa BBC, Bw. Bouckaert alisema raia wote wa nchi hiyo ambao ni Waislamu huenda wakalazimika kutoroka katika kipindi cha wiki chache zijazo. 

Maafisa wa kutoa misaada ya kibinadamu wamesema watu tisa wamefariki dunia kufuatia mapigano makali na uporaji uliotokea katika mji mkuu Bangui mwishoni mwa juma. 

Taarifa zinasema kuwa watu wawili wanaoaminika kuwa Waislamu waliuawa kinyama wakati wa machafuko hayo. 

Vita vikali vilitokea Jumamosi kati ya wanamgambo wa Kikristo na Waislamu Magharibi mwa mji mkuu Bangui, ambapo majengo kadhaa yaliharibiwa kwa kuteketezwa.

Source: MAJIRA..http://www.majira.co.tz/index.php?page=news_read_more&&id=1161